閉曼谷學泰文之旅︰唱錢和銀行開戶篇 (二)

幸好學校位於最繁忙的BTS Asok站附近，搭三個站就到。都好，其實我都唔知學校係點既樣，而家順便去埋學校報到。

入到學校見到既就職員就係一直用E-MAIL同我聯絡的珍小姐，我將我在銀行遇到的問題向珍小姐講述，但珍小姐回應話校長今日唔喺度比唔到信我，要過兩日先出到信，還要求我提供我要開戶的那間盤谷銀行的分行全名給學校出信。發生乜事呀？我鬼知嗰間乜嘢分行咩？唔通又要我搭車返去就係問佢間分行叫乜名？於是乎珍小姐提議我在學校附近的盤谷銀行開戶，那我就不用來來回回。

學校附近的盤谷銀行位於Exchange Tower地下，到了銀行我沒問職員分行名稱，而是直接跟他們說我要開戶，今次職員問一問我是用什麼簽証，然後查一查她放在辦工桌上的資料，再問我有沒國際車牌就替我辦理開戶手續了。

位於MRT Sukhumvit / BTS Asok 附近的Exchange Tower

大家都是盤谷銀行，可是各處鄉村各處例，不需要學校証明什麼就順利辦妥。也不知道是否這銀行在Time Square(語言中心集中地)附近，是否有很多外國留學生來開戶(所以職員的枱頭巳有外國人開戶手續指引)，總之能否開戶就是看彩數，泰國的公司和政府部門就是這樣辦事。

前題說我為什麼問Super Rich隔鄰的盤谷銀行可否用國際車牌開戶，是因為在網上搜集開戶資料的時候有網友說他開戶的銀行有這要求。到最後我也是因為有國際車牌所以能順利開戶。而國際車牌在運輸署可以申請，即時取件，一年期費用港幣80大元。(註︰我並不是指國際車牌是開戶必需，有說是銀行需要多一樣身份証明。)

戶口開通當然要申請提款咭，他們給我的提款咭不是純ATM咭咁簡單，而係一張Visa Debit咭。即係可以好似信用咭咁簽咭唔洗入密碼，感覺唔係咁安全。

戶口簿和提款咭，提款咭要小心保管好。由其咭上的咭號啊﹗

另外順帶就係問埋職員可唔可以申請網上銀行。原來申請網上銀行好簡單，只需在ATM機申請便可，ATM機的Menu裡裏有一欄其他服務，選擇開通網上服務之後就會有一張紙彈出黎，而呢張紙上有個確認碼千祈唔好掉左佢。因為你之後要做既事就係用電腦上返盤谷銀行網頁做真正開通。

開戶和開通網上銀行還需要一個好重要的資料 — 就係泰國手機號碼。所以無論如何要申請一個手機號/或買電話咭。若然要理網上銀行，呢個手機號碼十分重要，因為日後要在網上做任何交易，銀行都會發一個短訊確認碼到你所登記的手機號碼，所以不能隨便填寫。