閉曼谷學泰文之旅︰唱錢和銀行開戶篇 (一)

終於黎到呢一日，都唔知點解我要揀一班晨早流流既飛機，攪到要凌晨起身搭巴士。可能因為我有點唔捨得香港，所以將所有時間推到最「忟」。

一落機就去位於Huai Khwang區的酒店放低行李，由於時間尚早冇得Check-in，所以仲要孭住個大背囊周圍去(因為背囊有部好重要的電腦，唔想留喺酒店)。

第一站就係去好多香港人都知匯價高的Super Rich唱錢。Super Rich位於香港人必到的Big C隔離兩條街的巷仔裏。可搭BTS在Chit Lom站落車，在橋上行向Silom方向，就可見到Big C (Big C在Central World對面)，詳情可看Google Map。

當日匯價HKD 1 = THB 3.83，如果同日在盤谷銀行有3.74，機場更只有3.43。

Super Rich 就在伊世丹對面的巷仔行入去

這條巷有幾間Super Rich

後面巷還有一間綠牌的Super Rich，有說這間的Rate比橙色的還要好，但我沒有求証過。

由於今次長期逗留所以要多帶些錢，唱好錢就即往Super Rich隔離的盤谷銀行(Bangkok Bank)開戶。出門前，我已在網上做好功課，有網友剛在盤谷銀行以外國人身份開戶，而且過程十分順利(以前很嚴謹的)。另外還有開泰銀行(K Bank，綠色的) 也是很容易替非泰國人開戶。

因為香港有盤谷銀行，所以我把它列為開戶首選。Super Rich 附近就是盤谷銀行了﹗第一時間就入去用我啲唔咸唔淡既英文要求職員開戶，但銀行姐姐問我攞Working Visa，我就答佢我冇Working Visa 不過有ED-Visa，跟住就話如果係ED-Visa的話就要我比學生證或學校信去證明我係黎讀書咁話。天呀﹗我第一日黎學都未返何來證明，所有證明都比晒你地泰國領仕館去攪Visa喇(有意黎泰國讀書的朋友們，你們要把學校給你攪Visa的証明都影印一份留底以備不時之需)。我苦苦哀求職員小姐替幫忙幫忙，我同佢講我有國際車牌也可辦理開戶，麻煩通融一下(為什麼我會這樣說下回分解)，她抵不住我的哀求就走去問經理，可是經理堅決拒絶，職員姐姐建議我還是回學校攞證明再來辦理開戶手續。

盤谷銀行就在入Super Rich巷仔的路口

泰國同香港一樣，啲銀行鍾意開埋一堆。盤谷唔肯幫我我咪去開泰銀行囉﹗反正網友話開泰銀行行入去就幫你辦，易過借火。於是走入隔離開泰同職員講要開戶口，他們竟然除Working Visa之外還要地址同顧主証明，吓？發生乜嘢事？連網友們公認最容易幫外國人開戶既銀行都要咁多嘢？開泰職員同我講話政府改左政策，但凡外國人開戶都要呢三樣証明。

開泰銀行就在後面街

唉﹗為有死死地氣搭車去學校攞學生證明啦﹗雖然話全部銀行唱錢都在附近，但孭住個咁重既袋周圍滕真係身心疲累﹗開唔到戶口仲要攬住舊錢周圍走......

P.S. 
Joy 剛在Facebook開了個專頁和大家分享在泰國生活的小點滴︰https://www.facebook.com/joyinthai

網友們如對到泰國留學、找住宿、或有什麼問題，可在我Facebook的專頁或Google+給我留言，大家可互相幫忙幫忙啊﹗